Nas aulas dos colexios escenificaranse relatos centrados na temática “Contos do Mundo”. O primeiro centro onde se realizará a actividade será o CEIP José García, de Mende mañá, xoves, día 24 de xaneiro, ás 15:00 horas. En próximos días, o ciclo de contacontos desenvolverase tamén nos colexios Guillelme Brown, San Pío X e CEE Miño.
Esta actividade forma parte da Campaña de Animación á Lectura que desenvolve o Concello para fomentar o hábito de lectura entre os máis cativos. Lévase a cabo dentro do programa de actividades extraescolares, que desenvolve o Concello nos centros educativos, ofertando iniciativas de ocio e formativas para os nenos fóra do horario lectivo. |
|