"Estamos seguros de que esa lista desvela que Baltar é, como el mesmo se definiu, un cacique rancio", sinala o deputado socialista e alcalde de Vilardevós, José Luis Pérez García, despois de denunciar que coarenta días despois de que lle fora solicitada, o presidente da Deputación de Ourense sigue sin aportar ó Grupo do PSOE a relación de persoal contratado no que vai de ano.

Sinala Pérez García que o día 3 do pasado mes de abril se lle fixo formalmente a petición de "relación de persoal contratado polo ente provincial dende xaneiro de 2008 ata día de hoxe, coas función que realiza cada un deses traballadores". Ata o día de hoxe, segundo Pérez García, tal relación no se lle facilitou ó Grupo Socialista.
O deputado recórdalle á Baltar Pumar que "o grupo socialista ten dereito a saber quen traballa para o ente provincial e cal é a labor que realiza cada traballador", e advirte que "do contrario, veriámonos na obriga de denuncialo".

En calquera caso, os socialistas sospietan que "se esa lista non se fai pública é porque Baltar sabe que, unha vez máis, podería quedar descuberta a sú faceta de cacique e os criterios de amiguismo e partidismo que empregan na selección de persoal da Deputación". Xa que, "se non houbera nada que esconder, Baltar xa houbera remitido esa relación", sinala Pérez García.
O deputado socialista di estar seguro de que "esa lista desvela que Baltar é, como el mesmo se definiu, un cacique rancio".