O secretario de Organización da Executiva do BNG, Alberte Ansede, salientou que “a participación está a ser superior á de ningunha outra asemblea anterior, o que demostra o alto nivel de implicación e de dinamismo dos e das militantes da nosa organización”. As declaracións corresponden as asambleas comarcais do BNG celebradas este sábado na capital ourensá, así como no Morrazo e na Mariña lucense.
O responsábel de Organización da Executiva do BNG subliña tamén que “o apoio masivo que está a ter nas asembleas comarcais que se están a celebrar o informe de avaliación política e de obxectivos eleitorais do BNG”, así como que “o BNG é a única organización política na que a militancia, a través dos delegados e delegadas elixidos nas asembleas comarcais, elixe ao noso candidato á presidencia da Xunta de Galiza”.
Rematado o prazo de presentación de candidaturas, foi presentada unicamente a candidatura de Anxo Quintana, que resultou proclamada ao contar co aval de 3.332 afiliados/as ao BNG de pleno dereito e superar o mínimo de 300 requirido regulamentariamente. |