Debido ás altas temperaturas destes días, a Consellería do Medio Rural acordou suspender as autorizacións e comunicacións de queima de rastrollos agrícolas e forestais. Esto será así mentres persista a situación meteorolóxica de altas temperaturas e baixa humidade relativa, sinala a Consellería de Medio Rural, "excepcional nesta época do ano en Galiza, xa que non resulta propicia para establecer as medidas de prevención necesarias", sinálase.

Sinala a Consellería que o teléfono 902 112 000 "permanecerá habilitado co obxectivo de facilitar a información que precisen os usuarios sobre boas prácticas e de realizar un seguimento destes labores".
Coa posta en marcha deste servizo telefónico, facilítanse as xestións de comunicación e solicitudes de autorizacións de queima aos usuarios, á vez que se lles ofrece o asesoramento que precisen sobre boas prácticas na realización de queimas de restos agrícolas á vez que se lle realiza un seguimento, por parte da Consellería de Medio Rural.