O barrio de Covadonga rendíu este domingo tributo de recoñecemento, gratitude e cariño a quen foi nos últimos 25 anos o director do CEIP deste barrio ourensán, o mestre Manuel Rodríguez Rodríguez. O homenaxe partíu da Asociación de Veciños deste barrio, e os actos comezaron con unha procesión seguida dunha misa. Logo a Asocaición entregoulle unha placa conmemorativa, acto que tivo lugar en presencia do conselleiro de Educación, Jesús Vázquez, o alcalde da cidade e mestre tamén de profesión, Francisco Rodríguez, e a xefa territorial de Educación, Marisol Díaz Mouteira, entre outras autoridades, algunhas achegadas ao acto en calidade de amigos do profesor homenaxeado.

Manuel Rodríguez comezou a súa carreira docente como mestre en Teruel, pasou por Ramirás, nesta provincia, e logo foi a Palma de Mallorca. Tras isto continuou a súa labor no Seminario Menor de Ourense. En 1966 aprobou a oposición de Directores de centros Escolares, e un ano despois comezou a súa nova etapa na educación no recen fundado Virxe de Covadonga, en Ourense, ata o pasado 31 de agosto, data na que pechou esta etapa da súa vida.
O conselleiro de Educación e Ordenación Universitaria, Xesús Vázquez Abad, sinalou que “non estamos xubilando ao director do CEIP Virxe de Covadonga, estamos homenaxenado, na súa persoa, a toda unha familia de educadores que marcaron un tempo”.

O titular de Educación da Xunta lembrou que a entrega á profesión de Manuel Rodríguez “ao longo de cincuenta e seis anos de maxisterio, en épocas moi duras, con moitas carencias e necesidades, foi total a pesar das circunstancias, porque as condicións poden axudar a mellorar a formación, pero o que conta, o que prevalece de verdade o que trascende ás sucesivas xeracións de alumnos, é o espírito, a vocación do mestre”. 
Deste xeito, Vázquez Abad remarcou a importancia que teñen "os docentes de verdade, os que se consagran ó maxisterio, onte e hoxe, e que son incitadores, humanistas que ilusionan e que descobren realidades que temos diante dos ollos pero que non percibimos ata que o mestre nos dá luz, nos ilumina co seu verbo”.