A cidade de Ourense acolle xa a sexta edición do Festival de Música Internacional Pórtico do Paraíso. O Festival, organizado polo Concello de Ourense en colaboración coa Asociación Pórtico Musical, o Teatro Principal e a Deputación de Ourense, deu comezo este mesmo xoves coa inauguración dunha exposición no Museo Municipal sobre A reconstrución dos instrumentos do Pórtico do Paraíso”, e discurrirá por cinco escenarios diferentes, ademais de contar con actividades paralelas que complementan o programa de concertos.

O primeiro dos concertos, este venres as 21:00 Hs. na Catedral de Ourense, e unha das actuacións centrais da programación deste ano: o prestixioso grupo internacional The Harp Consort, fundado e dirixido polo arpista Andrew Lawrence-King, interpretará o primeiro oratorio composto en España (en 1704), que foi interpretado por última vez en 1729.
As Universidades University of Western Australia e University of Trinidad and Tobago colaboran nesta primicia.
Outra das novidades principais da programación desta edición será o traslado dun dos concertos á Igrexa de San Breixo, en Seixalbo, onde actuará o grupo asturiano de frautas e percusión “Esloqventia”, o que ocurrirá o luns, 18 de febreiro ás 20:30 Hs.

Paralelamente ás actuacións, e ademáis da exposición do Museo municipal, os músicos de Eloqventia, e a soprano Laura Alonso, ofrecerán no Conservatorio de Música encontros cos cidadáns, e Javier Jurado impartirá unha conferencia sobre a obra e vida do compositor Mestre Vide, no Liceo de Ourense.

Tódalas actuacións son de entrada libre e gratuítas, excepto o concerto de Laura Alonso Padín, o venres 22 de febreiro ás 20:30 Hs. no Teatro Principal.