O alcalde de Ourense, Agustín Fernández, inaugurou este xoves o novo Centro Cívico de Seixalbo, o sexto da rede de centros cívicos posta en marcha polo Concello de Ourense nos diferentes barrios da cidade durante os últimos 4 anos.
O centro, sito na rúa Estreita, número 1, abrirá de luns a venres de 10:00 a 13:00 e de 16:30 a 20:00 horas, e os sábados de 10:00 a 13:00 horas, e acollerá tanto as actividades organizadas polo Concello como tamén as promovidas polos propios veciños e asociacións da zona.

As obras consistiron na rehabilitación dun edificio centenario co obxectivo de convertelo no novo punto de encontro para tódolos veciños desta localidade ourensá, un espazo aberto á cidadanía ó que poderán acudir maiores, mozos e nenos. Nel poderanse desenvolver obradoiros, cursos, charlas ou conferencias, facer uso da rede informática, ler e disfrutar do tempo de lecer, contando tamén cun espazo para os cativos.
As obras supuxeron un investimento total de 346.876 euros.
O inmoble foi adquirido polo Concello no seu día por un importe de 90.000 euros.

O edificio orixinal de pedra de 1850 era unha vivenda de dúas plantas de tipoloxía rural que sufriu unha ampliación en 1935, a raíz da cal engadiu outras tres planas.
A día de hoxe, o edificio rehabilitado ten un aforo total de 100 persoas. A superficie construida é de 527 m2, dos que son útiles 375.